Нүүр хуудас / Мэдээ мэдээлэл / УЛСЫН ХОЁРДУГААР ТӨВ ЭМНЭЛЭГ БНСУ-ЫН СОЛОНГОСЫН ОЛОН УЛСЫН ЭРҮҮЛ МЭНДИЙН САНГААС ТУСЛАМЖИЙН ЭМ ХҮЛЭЭН АВЛАА

УЛСЫН ХОЁРДУГААР ТӨВ ЭМНЭЛЭГ БНСУ-ЫН СОЛОНГОСЫН ОЛОН УЛСЫН ЭРҮҮЛ МЭНДИЙН САНГААС ТУСЛАМЖИЙН ЭМ ХҮЛЭЭН АВЛАА

Нийтэлсэн огноо: 2020-07-28

Эрүүл Мэндийн Яам болон Солонгосын Олон Улсын Эрүүл Мэндийн Сан /СОУЭМС/ 2015 оноос эхлэн “Үндэсний Оношлогоо Эмчилгээний Төв байгуулах” МОН-8 төслийн хүрээнд хамтран ажиллаж байгаа билээ. ҮОЭТ-ийн нээлттэй холбогдуулан БНСУ-ын Засгийн газар, СОУЭМС-аас 349,478,305 воны үнэ бүхий 1,461,140 ширхэг 15 нэр төрлийн хандивын эхний ээлжийн эмийг 2019 оны 12 дугаар сарын 06-ны өдөр хүлээн авсан бол хоёрдугаар ээлжийн 335,258,385 воны үнэ бүхий 1,423,560 ширхэг 13 нэр төрлийн эмийг 2020 оны 7 дугаар сарын 21-ны өдөр хүлээн авлаа.

УХТЭ-ийн Үндэсний Оношлогоо Эмчилгээний Төвийн нээлтийн үйл ажиллагааны үеэр БНСУ-ын KOFIH байгууллагаас дээрх хандвийн эмийг нийлүүлэхийг шийдвэрлэсэн ба МУ-ын засгийн газрын гишүүн, ЭМ-ийн сайд асан Д.Сарангэрэл, ЭМЯ-ны удирдлагууд, УХТЭ-ийн захирал асан Г.Баясгалан, УХТЭ-ийн хамт олон  уг эрхийн бичгийг хүлээн авсан юм.

Тус хандивт дараах бүлгийн эмүүд нийлүүлэгдсэн.Үүнд:

  • Артерын даралт бууруулах эм
  • Өвдөлт намдаах эм
  • Харшлын эсрэг эм
  • Амьсгалын замын эрхтэн системд /ханиад/ нөлөөлөх эм
  • Хоолны шингэц сайжруулах эм

 

БНСУ-ын Засгийн Газар, СОУЭМС-ийн хамт олонд гүн талархал илэрхийлье.