Мэдрэлийн мэс заслын тасгийн их эмч М.Тэмүүжин нь БНСУ-ын Вильцийн нэрэмжит эмнэлгийн “ХҮНДЭТ ЭМЧ” өргөмжлөл хүртлээ.
УХТЭ-ийн Мэдрэлийн мэс заслын тасгийн их эмч М.Тэмүүжин нь БНСУ-ын Вильцийн нэрэмжит эмнэлэгт нуруу нугасны дурангийн мэс заслын сургалтыг амжилттай дүүргэж, Монгол улсдаа нуруу нугасны дурангийн мэс заслыг амжилттай нэвтрүүлсэн тул тус эмнэлгээс үр дүнг нь үнэлж “ХҮНДЭТ ЭМЧ” өргөмжлөлийг гардуулав.
Вилцийн эмнэлэг нь нуруу, нугас, үе мөчний өвчнийг эмчилдэг Солонгос улсын шилдэг эмнэлгүүдийн нэг юм. Тус эмнэлэг нь Сувон хотод байрладаг бөгөөд 2002 онд байгуулагдсан дэлхийд алдартай нурууны мэс засалч Леон Вилтзегийн нэрэмжит эмнэлэг юм. Эмнэлэг нь мэдрэлийн мэс засал, ортопедийн мэс засал, мэдээ алдуулалт, гэрлийн шинжилгээ, Ерөнхий мэс засал, эмчилгээ чиглэлээр үйл ажиллагаа явуулдаг эмнэлэг юм.
